Alles wat jy moet weet oor NAMPO 2018
Wat is NAMPO?
NAMPO is die grootste landbou-uitstallingsprogram in die suidelike halfrond en verbind al jare lank boere en verskaffers. Die NAMPO Oesdag vind elke jaar plaas net buite Bothaville in die Vrystaat en bied ‘n verstommende 70-hektaar uitstalruimte.
Tegnologie speel ‘n baie groot rol in die landbousektor, en NAMPO se doel is om boere bloot te stel aan nuwe, innoverende tegnologieë en om boere op te voed oor hoe tegnologie hul landboubesighede kan bevoordeel.
NAMPO se geskiedenis
Sedert NAMPO se klein begin in 1967 het die byeenkoms gegroei tot die besonderse gediversifiseerde landbouhandeltentoonstelling wat dit vandag is.
Dit het begin met drie produsente van Bloemfontein, Moos Haddad, Hannes Van Wyk en George Stegman, wat die behoefte aan ‘n landbouhandelskou gesien het, veral gedurende die oorgangstydperk na grootskaalse graanstoerusting.
Die eerste Oesdag is gehou op 7 en 8 Junie 1967, wat altesaam agt uitstallers en 203 besoekers ingesluit het. Sedert 1974 word NAMPO Oesdag elke jaar by Nampo Park naby Bothaville in die Vrystaat gehou.
Vanaf 2010 het die NAMPO Handelskou getransformeer om te verseker dat feitlik elke aspek van die landbousektor aandag geniet.
Waarom NAMPO?
Die NAMPO Oesdag is die ideale geleentheid vir boere om verhoudings met verskaffers te bou en om nuwe tegnologie wat produktiwiteit kan verhoog te vergelyk. Daarbenewens bied NAMPO aan die boere die geleentheid om die struikelblokke wat hulle in die gesig staar, te bespreek en idees en oplossings uit te ruil wat waarde tot hul plase sal toevoeg.
Uitstallers
Elke jaar groei die aantal uitstallers by NAMPO en hierdie jaar was nie anders nie. 746 uitstallers, wat alle sektore van landbou verteenwoordig, het NAMPO bygewoon. Dit sluit in landbou-masjinerie vervaardigers en kunsmismaatskappye, voerprodusente, landbou-geelmasjienvervaardigers, kommersiële voertuigvervaardigers, finansiële instellings, veeboerdery en vele meer.
Besoekers
Volgens kaartjieverkope het NAMPO ‘n verstommende 82 817 besoekers gehad die jaar. 361 vliegtuie en helikopters het ook op NAMPO se private landingstrook geland.
AgriMag se rol by NAMPO
As een van Suid-Afrika se voorste aanlyn-geklassifiseerde markte, bied AgriMag ‘n omvattende reeks boerdery toerusting aan, en ons beoog om boere ‘n eenstop-oplossing vir hul landboubehoeftes te bied. AgriMag bied boere geklassifiseerde advertensies wat wissel van trekkers tot oestoerusting, vragmotors, sleepwaens, voermengers en spuittoerusting. AgriMag help selfs boere met dienste wat hul besighede benodig.
Die AgriMag-span het NAMPO 2018 bygewoon om nie net nuwe verhoudings met boere en verskaffers te bou nie, maar ook om die verhoudings wat ons het met ons huidige kliëntebasis te versterk.
Ons wil boere ‘n platform gee waar hulle ‘n wye verskeidenheid boerdery toerusting kan vind spesifiek vir hul behoeftes, maar belangriker, ons wil toerusting voorsien wat produktiwiteit en winsgewendheid op hul plase sal verbeter.
Bakkies praat met Jannie oor sy kreatiewe denke en hoe sy nuwe 6 tol hark in werking gekom het. Myburgh Toerusting #Nampo2018 #AgriMagSA
Posted by AgriMag on Tuesday, 15 May 2018
Ons is by Radium Engineering – kom ons hoor wat die manne die jaar by Nampo doen. #Nampo2018 #AgriMagSA
Posted by AgriMag on Wednesday, 16 May 2018
Bakkies gesels met Joe Coetzer oor die nuwe produkte by Farm Quip SA. Moenie dit misloop nie! #Nampo2018 #AgriMagSA
Posted by AgriMag on Wednesday, 16 May 2018
Bakkies gesels met Kobus oor die CASE Stroper reeks, kom kyk en leer hoekom hulle bobaas is! Northmec
Posted by AgriMag on Wednesday, 16 May 2018
